Sunday, February 17, 2008

قلم

جسَّ الطبيبُ خافقـي
وقـالَ لي :
هلْ ها هُنـا الألَـمْ ؟
قُلتُ له: نعَـمْ
فَشـقَّ بالمِشـرَطِ جيبَ معطَفـي
وأخـرَجَ القَلَــمْ!
**
هَـزَّ الطّبيبُ رأسَـهُ .. ومالَ وابتَسـمْ
وَقالَ لـي :
ليسَ سـوى قَلَـمْ
فقُلتُ : لا يا سَيّـدي
هـذا يَـدٌ .. وَفَـمْ
رَصـاصــةٌ وَدَمْ

وَتُهمـةٌ سـافِرةٌ تَمشي بِلا قَـدَمْ

احمد مطر

جيسو

14 comments:

Sandybelle said...

بعا للروتين لازم اكول هلو بلبدايه,هه.
اني اسمي ساندي بل. شفت البلوك مال حضرتك وعجبني.اني احب اضيفه لمالتي اللنكات. راح اضيفه هسه.
اخير شي باي وان شالله نتواصل.سان دي بل ت.ر!!!

Sandybelle said...

نسيت الطء بداية اول كلمه,هههه, سوري

Sandybelle said...

هم عمو,اني راح اخذ الموقع مالت الاغاني العراقيه علمود صديق قديم,خطيه هوه بره ويحب يسمع عراقي..

jisoo said...

هلوو2 ساندي
شلونج ,ويشرفني اختيارج الي ضمن المفضله الخاصه بحضرتج . ان شاء الله نبقى اصدقاء

Sandybelle said...

ان شالله عيوني نبقى اصدقاء:)

Sandybelle said...

قبل 5 دقايق جنت بلبلوك الاول مال حضرتك.اول بوستو طبعا حجيك كلام عراقي اصيل,نابع عن شعور وطني مرهف الاحاسيس ههههه

Sandybelle said...

هلو جيسو للمره الثانيه,اني قريت البوست *بجوار التاريخ*يا اخي ليش هل ياس!!! هوا صحيح الوضع لايطاق,بس اكو حياة مو ماكو,لو ماكو جان مجنت اكدر اكتب اهنا اي شي.امان ماكو شغل ماكو تعيينات ماكو,فساد اداري و تحطم للبنيه التحتيه اكو.بس والله اني اشوف احنا لازم منحجي ابهالامور اهوايه, حتى ليتشمتون بينه اصحاب النفوس اللئيمه*واعتذر عن استخدام هاي اللفظه غير المناسبه*بس هذا هو الي اني اشوفه واحب اكلك اياه.. كل يوم اكو شمس و اكو قمر واكو سمه. هذا هوه المهم. وبعدين لتنسه عمو,وحده من اهم المسببات الي وصلتنه الهاي المرحله هوه عدم الوثوق ابعضنا وعدم الوثوق بالمستقبل ولا حتى ابانفسنه..وعدم التعاون ولا المحبه الصادقه ولا الاخلاص هذولي عوامل مساعده .صحيح اني عجبتني كلمات اول بوست اباول بلوك,بس لو تنظر الهلموضوع بمنظار اخر,يمكن اذا مو اكيد راح اتشوف حضرتك اكو نوع من الاحباط و الياس.يا عيني,اذا طلاب الجامعه الي كلهم لازم ايكونون فرفشه و حيويه هشكل يحجون,لعد لاعتب عله اللي مداخل مدرسه و غير متعلم.
حباب اتمنى ايكون كلامي واضح و مه بي جرح للمشاعر.و شكرا لحسن الاصغاء,اني خجيت اهوايه. هههه:)

jisoo said...

هلووو ساندي منوره البلوك
اول شي احب اشكرج على تعليقاتج المميزه . واحب اكولج ان بالفتره الي كتبت بيها البوست بجوار التواريخ كان الوضع بالنسبه الي جدا صعب على الصعيد العائلي وعلى صعيد التفكير بالوطن بس الحمد لله اتخطيت هذه المرحله. ملاحضه: التعليق مال حضرتج جدا جميل اقصد مو مجرد تعليق انما بيه فائده للقاريء لأن مناقشه للموضوع. واشكرج مره ثانيه على مرورج وطبعا اكو فكره ببالي دتجول بس ما افضل احجيها بالبلوك اذا تحبين ندردش بيها بالمسنجر ايميلي موجود .
جيسو

Sandybelle said...

ok. bes lazim a3ruf awkat elkahraba'a. تعرف الكهرباء احم احم
gmail, ii favor the gmail. i think it is better. if you want, i'll send you an invitation. :)

Sandybelle said...

ني دزيت دعوه علايميل مالتك علمود اتسوي جي ميل:)
اني ما عندي برنامج مسنجر بلحاسبه, المصلح الحباب نسه ايخليلنه من وديناله الحاسبه.ادري اكدر انزله من الياهو بس مالي خلك,الخدمه مل انترنت بطيئه, وازعاج
سلام

Sandybelle said...

اريد بوست جديد..
بوست بوست بوست

*الخاتــــIraqi Ladyـــووون* said...

أموت على هذا الشعر.. رائعة أحمد مطر

تقبل تحياتي

Heart Rose said...

اموووووووووووووووووووت على هالشعر

اول مره سمعته جان بالدعايه مال برناج قلم رصاص

يخبل البرنامج و التعليقات الذكيه اللي بيه و اما الشعر فهذا عالم ثاني

خطوت الى مدونتك بمحض صدفه

و يا لها من صدفه سعيده

اعجبني الابحار في عالمك

وقع كلماتك له صدى اسمعه

ادام الله هطولك العذب الذي وجدته في سطورك



في حفظ الله


روز

jisoo said...

تسلمين روز هذا من ذوقج
وصراحه احمد مطر مبدع بقصيدته المعنيه
ادامكِ الله