كاعد اليوم وضايج فتحت نت لكيت اختي جانت فاتحه موقع بيه حكم وروائع الجمل المنقوله من الكتب العالميه فدا اكلب جان الكي شخص بأسم روزا ناقله هالمقوله لشاعر الاجيال نزار قباني وبنفس الوكت دا اسمع اغنيه محمد عبده اختلفنا مين يحب الثاني اكثر واتفقنا انك اكثر وانا اكثر المهم مو سالفتنا هاي ,,,, طبعا مدا اجوز من هالحاله الي عندي كل مره اجي اكتب موضوع من افتح حاسبه مو محضرله وهاي هم موسالفتنا ...
الموضوع وما بيه دا اشوف ان الانسان خلال مراحل حياته يمر بمواقف وهالمواقف هوايه والصعب البيها هي الي تعلم الانسان الامور الي ما ممكن يتعلمها بالنصائح لأن من ضمن الي تعلمته من خلال هالمواقف ان النصيحه ما نستفاد منها الا لمن ندور عليها وتالي الخبره تجي بالوقت الضائع لأن يكون العمر مشا بينا واصفن الكي اخطائي الي تعلمت منها دروس وعبر فوتت عليه فرص بصعوبه تنعاد وتتاح الي وهذا الشي مو سهل نتجاوزه .... وهم مكدرت المس جرحي واحجي بيه بكل قوه يمكن بفتره مقبله اكون اقوى واكدر احجي بهالموضوع بصراحه اكثر ...تره الصراحه بقدر ما هي مريحه للأنسان بس بقدر ما تكون ببعض الاوقات صعبه جدا احس بيها مجازفه ... اعذروني بس كلام لابد احجيه لأن متعبني
نهايه غير مجزيه
جيسو
3 comments:
الاخ الكريم جيسو
صار فتره هوايه محاجي وياك ولا مسلم عليك
انشالله تكون بخير
البوست مؤثر, بس عيني نريد نعرف الاستنتاج الاخير , شتحب تكول؟؟؟؟
تحياتي
علي
الاخ العزيز علي
اني بخير الحمد لله انته شلونك الاهل شونهم ؟
والله يا اخويه جان اكو موضوع حيل مضايقني ساعتها وما كدرت اكتبه بس حاولت اتقرب منه ولهذه ما كانت نهايته واضحه بس الملخص ان الانسان
للأسف يتعلم من الاخطاءالي يمر بيها مو من اخطاء الاخرين في اغلب الاحيان
وبهذا يفوت فرص ما ممكن تتوفرله بأوقات ثانيه
Hi, I do think this is a great blog. I stumbledupon it ;) I may come back yet again since I book-marked it.
Money and freedom is the best way to change, may you be
rich and continue to help others.
Here is my webpage: laser cellulite treatment
Post a Comment