كتابه حره

من عادتي ما اكتب الا بموضوع محدد اعتقد انتوا ملاحظين هذا الشي بس المشكله صار مده مداترهم اصوغ موضوع محدد اكيد تحبون تعرفون السبب ؟؟ الجواب اسهل منه ماكو اصلا مو كد ما هو سهل صاير جواب كلاسيكي ( مشغول) طبعا ما كو واحد مشغول طوال الوكت بس ماكو اولويه للأمور وطبعا نقصان النتظيم للوقت في احيان كثيره سبب في تضييع الوقت .اني اليوم ضايج وما ادري شسوي واريد اكتب اي شي فلكيت افضل حل اكتب بوست جديد بس حرت شسمي البوست وعن شنو موضوعه لهذا كلت خلي اقلد بعض الاصدقاء من اصحاب البلوكات في نهج اسلوب الكتابه الحره واقصد بالكتابه الحره هو ان اكتب بدون ما افكر مسبقا بموضوع للكتابه ويمكن هذه اول مره اجرب هذه النوع من الكتابه ,بس لو انضر للموضوع من ناحيه الايجابيات والسلبيات راح اشوف ان الاسترسال في الكتابه واعتقد الكتابه بدون قيود يمكن اهم ايجابيات الموضوع وطبعا بدون ما انسى ان للكتابه دور مهم في الراحه النفسيه طبعا هذا الشي بالنسبه الي ما اعرف اذا الاخرين هم يشعرون نفس الشعور على العموم لو نجي بالمقابل الى السلبيات اعتقد انه اول النقاط هي التكلم بلا هدف واضح ,نوع من الهذيان على طاري الهذيان اتذكرت فد قصه قصيره او ما شابه تتكلم عن محاوره بين طبيب امراض نفسيه وشخص ما اذكر شنو ماهيته المهم الحديث الي بينهم يدور عن امرأه مصابه بالجنون فالشخص يكول للدكتور ماكو علاج لهذه المرأه المسكينه الدتكور يرد عليه يكوله حتى لو اكو علاج اني ما اريد اعالجهه فالشخص يتعجب ويسأل الطبيب عن السبب فالطبيب يجاوب يكول انته ما تعرف هذه الانسانه المجنونه شكد سعيده الان ذلك ان المجنون لا يفكر بالحياة وان كل شي لديه مستباح فلا يحمل في باله اي هم لأي شأن من شؤون الحياة بالتالي اني حسب سلبيات الموضوع دا اهذي هههههههههههه راح اصير مجنون تخيلوا ههههههه !!! لالا خلي ارجع شويه قبل الجنون خل اسولفلكم عل الكليه وعن الكورس الثاني شويه شوفوا يا اصحاب الحياة بديت الكورس الثاني من الدراسه بوهس على الدراسه ما اعرف عجب ههههههه يمكن بسبب الضروف الاخيره من وجوب التزام الدوام ويمكن رفض للواقع السابق ومحاوله جاده في تصحيح مسار او ما شاكل ذلك على كل حال بدا الكورس الثاني وبدا القلق النفسي ينتابني من جديد تعرفون من شنو ؟؟ اخاف اخلص كليه ويجيني احد يسألني عن نقطه معينه بمجالي واما اعرف اجاوب حيل اخاف من هذه الحاله,يذكره بالخير دكتور عاشور درسني بأحد الكليات العراقيه وبأحد المحاضرات كال ابنائي اريدكم تعرفون كلشي بمجال اختصاصكم فأسألوا هسه دام انتوا بعدكم طلبه ومن حقكم السؤال لأن من تتخرجون يجي الدور عليكم انتوا الي تنسألون لهذا بالمحاضره الاحظ اني من اكثر الطلبه الي يسألون الاستاذ واحاول استفسر عن اي شي ممفهون بالنسبه الي حتى مرات اكول خاف الاستاذ يضوج بس ابرر بالمقابل اكول لعد هو شنو شغله غير حتى احنه نفتهم الي يكوله ,دا احسب مبقى شي للكليه منا شهرين وتنتهي هاي السنه وباقي بس سنه الجايه وتخلص وراها راح ندخل مرحله جديده بالحياة ويراودني شعور ان ساعتها راح اواجه الحياة وهي فاتحه بواباتها على اقصاها

قلم

جسَّ الطبيبُ خافقـي
وقـالَ لي :
هلْ ها هُنـا الألَـمْ ؟
قُلتُ له: نعَـمْ
فَشـقَّ بالمِشـرَطِ جيبَ معطَفـي
وأخـرَجَ القَلَــمْ!
**
هَـزَّ الطّبيبُ رأسَـهُ .. ومالَ وابتَسـمْ
وَقالَ لـي :
ليسَ سـوى قَلَـمْ
فقُلتُ : لا يا سَيّـدي
هـذا يَـدٌ .. وَفَـمْ
رَصـاصــةٌ وَدَمْ
وَتُهمـةٌ سـافِرةٌ تَمشي بِلا قَـدَمْ

احمد مطر

جيسو

الشمس شمسي والعراق عراقي

الشمس شمسي والعـراق عراقي.......... ما غيّر الدخلاء من أخلاقي

داس الزمان على جميع مشاعري......... فـتفجر الإبداع من أعماقي

أجريت في الصخر العقـيم جداولا...... وحملت نور الله في أحداقي

أنا منذ فجر الأرض ألبس خوذتي....... ووصية الفقراء فوق نطاقي

قـدري بأن كل الحروب تجيـئني...... مجنونة تسعى لشـد وثاقي

فمن السيوف الى الرصاص مدائني ....ذابت من الإحراق والإغراق

ومن الشموع الى الدموع حبـيبتي.........محفوفة بخناجـر السـرّاق

وأنا الجـميل السـومري البـابلي...........كانت يدي قيـثارة العشـاق

ملأت فضاءات الوجـود قصـائدي......حتى كأن الشعر صوت عراقي

وتحـالفت كـل العـصور لمقـتلي.......فأغضتها بتمـاسكي الخـلاق

وتـذمرت وإستـأسدت وتفرعـنت.......فحملتها جبـلا على الأعـناق

اسمع صهبل الحـزن بين مفاصلي......أضحى صديقي..كنيتي..ميثاقي
هـربت طيوري حين ضاع أمانها..........فـكأنـني شجــر بلا أوراق
لكـنما هـمس العراق بمـسمـعي......يفنى الأسى وجبين عزك باقي
الشـمس شمسي والعـراق عراقي........ما غيـر الدخلاء من أخـلاقي

الشاعر كريم العراقي

جيسو

كلما ازداد الليل حلكة كلما ازددت يقين بأن الفجر هو القادم

مقوله سمعتها قبل فتره ليست بالبعيده لكنها اجبرت ذاكرتي في اخذ حيز لها من بين كل ما قرأت حينها ترى هل لأنها كانت المناسبه لما افكر به ام لأنها بحق ذات معنى رائع ام الاثنين ,كما تعلمون بمزاجي المتقلب نوعا ما في اضافه المواضيع الجديده لكن اليوم الامر اكبر من ان اتحمل التفكير به بصمت ,انت يا من تقرأ هذا الموضوع اسألك الاجابه بصراحه فيما لو كنت مكاني ماذا سيكون رد فعلك تجاه التفكير بعزيز عليك مقبل على اختبار صعب صدقا اني اقلق ان اقبل اخي على اختبار في احد الدروس وهو طالب في المرحله الابتدائيه فما بالك اذا كان هذا الاختبار هو اختبار من اجل الحياة بل من اجل الكرامه الانسانيه جمعاء هذه الانسانيه المسلوبه في الكثير من ارجاء المعموره وكان الطالب هو ليس اخي انما هو هؤلاء المضحين بأموالهم وانفسهم وما امام اعينهم سوى هدف النجاح واجتياز هذا الاختبار , لو تسألني عن رأيي لقلت اني سأنحاز تلقائيا الى جانب هؤلاء الابطال ।هل عرفتم ما هو الاختبار المقرر ؟؟ لنتكلم اولا عن الطلبه الاوفياء فهم اولى بالكلام من اي جزء اخر في الاختبار انه يومهم وهذه الحياة حياتهم فليستشقوا الحياة ملئ صدورهم فلربما لن يخبروا شغب الحياة واستنشاقها بعد الاختبار ولكن اتعتقدون بأن طالب ذي خبرة عاليه في حياة الاختبارات سيخطيء في اختبار كهذا ؟؟ لا اعتقد ذلك اتعلمون لماذا ؟؟ لأن حضارة امه تقف الى جانبه بل دين قيم وكرامة وعنفوان حياة وانسانيه امه وروح وطنيه لا تعلى عليها جميع هذه العوامل اضافه الى عامل مؤثر وهو الورقه التي سيختبر على مساحتها والمجسده بهيئه ارض ترتعد فرحا لجلال واكرام وتقدير طلبتها ارض خصبه اجهضت لمده قرون وانجبت ابطالها واليوم تؤتي ثمار انجابها لهؤلاء الابطال هي ارض اشور واكد والحضر هي ارض المنارة الحدباء هي ارض نبي الله يونس هي ثاني اكبر محافضه عراقيه هي الموصل , ولا شك عرفتم من هم الطلبه هم ابطال العراق هم من انحني نصف انحائه احترام تقديرا لجهدهم , واليوم امامهم عمل عسير هي معركة ابناء الموصل ضد القوات المحتله تلك القوات التي تحاول النيل من كل ما يعترض طريقها ويهدد امنها ولكن بالمقابل انا عراقي واعرف تفكير ابناء امتي فتسرح مخيلتي فأتخيل الان ابناء الحدباء وهم يرددون المقطع"فوك صوتك يا وطن ما يعلى صوت ما تخوفنا المنايا كلمن بيومه يموت " فالاختبار اليوم هو معركه ضد القوات المحتله ولكن لن ينال الغزاة منهم اليوم كما اراه مقبل على فتره احتدام الصراع وبعدها ينجح غيارى الوطن في اجتياز المهمه ومما لا شك فيه بعد انجاز المهم لن تروا انفسكم الا وانتم في وقت اختلاط الليل بالنهار ان شاء الله فيبدأ فجر غد جديد,

تحيه خاصه لأبناء العراق ممن يستحقون التحيه

تحيه لكل انسان ساهم ويساهم في تحرير العراق من اغلال الاحتلال

اخوكم جيسو

فتره حرجه

مساء الورد
كيف الحال يلمتابعين حقكم والله من تعتبون عليه لأن مقصر بحقكم وبحق البلوك واعرف البلوك مهمته التدوين المستمر لكن شكول للضرف ومو بس الضرف لا والحاله النفسيه الها تأثير كبير بالموضوع , خل نتكلم بصراحه ونكون واقعيين واحدنه يكعد يفكر بأداء واجباته تجاه الوطن والمجتمع والاسره وتجاه نفسه لو يكعد يكتب بوست بالبلوك ؟؟ مراح اكولكم اني كاضي حياتي بأداء واجباتي بس من افكر بالبلوك اكول اكو اشياء كثيره اهم من كتابه موضوع جديد . اليوم جان اخر يوم اداوم بيه بالنصف الاول من السنه الدراسيه , ايباااه والله الايام شلون تمشي بسرعه وبدون ما نحس بيها ,ذاك اليوم بدا الدوام شبسرعه وصلنه نص السنه , قبل من جانوا اهلنه يكولون مثلا الاحتلال البرطاني ضل بالعراق حوالي ست سنوات مجنت اتخيل المده اكول حييييل ست سنوات شلون كدروا يعيشون الناس بهالست سنوات تالي هسه احنه صارلنه خمس سنوات وصار عدنه الموضوع طبيعي او مو طبيعي بس كدرنا نتعايش ويه الموضوع رغم صعوبته , هسه خلينا من هالسالفه خل نرجع لموضوع الزمن مال هالوكت وخل اسولفلكم شويه على هالفتره, والله هذه الفتره اعتقد لو اريد احجي عن احداثها ما اكدر اختصرها بكلمات معدوده من دون ما افصلها الى فترات زمنيه, اول فتره هي الي اثرت بيه كلش ولي هسه اعيش تأثيرها واعتقد راح يبقى تأثيرها لفتره طويله بالمستقبل القريب جانت فترة تحديد ثوابت وعانيت خلال هذه الفتره من مشاكل عده وطبعا بعض هذه المشاكل انحلت والحمد لله والبعض الاخر ضل مرتبط بيه لحد هذه الايام بس ممهتم لهذه المشاكل لأن معتبرهه مشاكل طبيعيه واعتقد ان من شروط الحياة الناجحه هي مواجهة مشاكل يوميه بكافة مجالات الحياة ومحاوله ايجاد الحلول الها مهما كانت عصيبه ولا مانع من الفشل ببعض المشاكل بس شرط تحويل الفشل الى نجاحات مستقبليه اول مشكله واعتقد اصغر مشكله رغم خطورتها هو اصدار فصل بحقي بسبب غياباتي المتكرره بالكليه وطبعا رغم ما اني اتفلسلف واحاول احل مشاكل المجتمع اكو مشاكل خاصه بيه ما احلها من ارجع لموضوع الغياب ابرر لنفسي الامر لأن اني عندي المحاضرات مال السنه كامله يعني اعرف الاستاذ شراح ينطيني بالامتحان وشنو نمط الاسئله وشنو الماده واذا على موضوع الشرح فالاستاذ ميشرح لأن هذا واجبي مو واجب الاستاذ ।انتوا خلوا نفسكم مكاني راح تدخلون محاضره بزمن العراق مليان فوضى ودمار وخطط تهديم البنى التحتيه وشباب مهدور وعمر يمشي بينا ومشايفين منه شي وهو اول وتالي اني ناجح بالمواد , ما اريد ادوخكم بسوالفي لأن الحجي ميخلص بس كملخص عن الموضوع اني حبيت اسولف وياكم شويه وانبأكم بأخباري ولو بشكل جدا موجز بس اوعدكم ان احجيلكم تفاصيل بالفتره المقبله ان شاء الله ولو الفتره المقبله ممرتاحلهه حيل بس ان شاء الله الي ببالي يصير انتوا هم ادعوا

تهنئه رمضانيه

مساء الخير
رمضان مبارك على جميع المسلمين وان شاء بالتحرير لبلدنا والامان والسلام يا رب . فطور هنيء ان شاء الله وادعو رب الكون لكم بالصبر والتحمل على اتمام صيام هذا الشهر بهذه الضروف المناخيه العصيبه.
معذرة مني على عدم التواصل معكم لكن مشاغل الحياة تلهيني كثيرا وللأسف عن المواصله معكم فمنذ فتره طويله جدا لم اكتب اي موضوع جديد فتره مضت بها ايام جميله واخرى مزعجه مر بهالموسم الدراسي وتمر بها ايام العطله الصيفيه وها نحن نقف في مكاننا ولم يتغير شيء وللأسف من عدم استقرار الامن والوضع الامني وتقريبا انعدام الخدمات الا لمن تيسر له اموره الماديه ذلك لا اود ان اقحمكم في افكاري المتخبصه في هذه الاوقات ولأدع هذا الموضوع تهنئه رمضانيه فقط .واخيرا وليس اخرا استميحكم عذرا على عدم تواصلي معكم .

مع التحيه
اخوكم جيسو

وحدي أسأل وحدي أجاوب

مساء الخير
والله صار زمان ما كتبت اي بوست اعذروني مقصر بحقكم وما راح ابرر لأن لو جنت اريد اخصص من وقتي لكتابة بوست جان كدرت . على العموم اليوم اني اشعر بمزيج من المشاعر والاحاسيس ما بين المفرح وما بين المحزن واني جدا اكره حالة عدم الاستقرار النفسي الناتج عن التناقض في المشاعر لهذا راح العب لعبة ويه نفسي يعني اني اسئل واني اجاوب حتى افرغ عن هذه المشاعر واحاول جهد الامكان التخلص من المحزن منها بشرط اشوف ردود افعالكم .
خلي اشرحلكم شويه عن اللعبه ,
اولا راح اسوي اللعبه بشكل اجزاء حتى اكدر اتواصل وياكم قدر الامكان وحتى اشوف تعليقاتكم لأن اذا ما راح اشوف تعليقات مراح انزل الاجزاء الباقيه
اما باقي نقاط الشرح فسوف تأتي لاحقا هههههه على اعتبار ان اللعبه اني المتحكم بيها .تذكرك الكاتبه احلام مستغاني كانت تكول ما معناه ان الكاتب يتحكم بأبطال قصته كما يشاء وممكن احيانا ان يشوههم لأنه المتحكم الوحيد فيهم .بما انيي الدكتاتور الوحيد المسيطر على هذه اللعبه فأعذروني مقدما ان سأشوه هذه اللعبه.

الجزء الاول
- تعتقد ان الحب يأتي بالنضره الاولى ام بالعشره؟؟
-اعتقد ان الحب يأتي بالعشره رغم ان الحب يأتي بالنضره الاولى وهذا حسب وجهة نضري يعود الى تشويه المجتمع لكلمة الحب حيث محيطنا عودنا على ان ننضر لمواصفاة الشخص المختار قبل اطلاق العنان لمشاعرنا لحب هذا الشخص (مو دائما بس اغلب الاحيان).
- تعتقد ان الخبانه في الحب تأتي من الرجل ام من المرأه ولماذا؟؟
- من الجنسين احيانا من الرجل واحيانا من المرأه والاسباب عديده (نتكلم عن الحب الصادق ) بسبب اختلاف في وجهات النضر او تصرفات احد المحبين او لأسباب اخرى كثيره
- سؤال يطرح نفسه بشده ,هل تعتقد ان هناك حب حالياً؟؟؟
- رغم ازمه المشاعر التي يعيشها المجتمع العراقي لكن اؤمن بوجود الحب ولو على نطاق ضيق جدا جدا
- في حالة وجود شخص يحبك ولكن لا تستطيع ان تحبه لأي سبب كان هل تبقي على العلاقه مع هذا الشخص وتمشي على الحكمه الي تكول اخذ الي يحبك لا تاخذ الي تحبه ؟؟؟
- رغم ان هذه الحكمه جدا واقعيه لكن لن ابقي على علاقه معلقه كهذه رغم محبة هذا الشخص لي لأني مقتنع بالنضريه الي تكول ان الحب الي نقدمه لشخص معين مو واجب بقدر ما هو احساس بديهي ينطلق من اعماق الانسان
- اخيراُ وليس اخراُ لما ازمة الحب هذه في المجتمع ؟
- اعتقد بسبب ارتفاع نسبة الخيانات والكذب والخداع في الحب .


اخوكم jisoo

مرحبا
حبيت اكتب كم كلمه اتواصل بيها وياكم لأن صارلي اكثر من شهر مكاتب اي بوست . وهس ماكو ومشغول بالدراسه ,ملاحظين الحاله من واحد يكون مشغول باله بموضوع معين او عدة مواضيع ساعتهه ينسه كل شي او بالاحرى مو ينسى يتناسى . بس اوعدكم انزل مواضيع جديده بالفتره المقبله ان شاء الله


اخوكم jisoo

بجوار التواريخ

مرحبا
هذا ثاني ايام سنتي الواحد والعشرين بالامس كان عيد ميلادي ولكن هذه السنه كان له طعم غريب بعض الشيء وكأنيي لأول مره افكر في ان ميلادي يكمن بين تاريخين متناقضان من حيث الشكل والمبدأ اولهما هو 7/4 وهو ميلاد حزب البعث العربي الاشتراكي وكل ما استطيع قول في هذا الجانب :انه حزب محضور حاليا في العراق وهو حزب تأسس على يد مجاميع من السياسيين حينها ترأسها ميشيل عفلق في اواسط القرن الماضي ...
اما التأريخ الاخر فهو معلوم للجميع ولا استطيع ان أمر على هذا التاريخ بدون ان احس بخدش في داخلي وكأنه نقطة ضعف في حياتي واعتقد بل ومتيقن من انه سبب مأساة اغلب ابناء بلدي العراق انه 9/4" ذكرى سقوط النضام العراقي البائد وتحرير العراق" كما تقول حكومتنا الموقره ولكن من وجهة نضري المتواضعه هو ليس سقوط النضام انما هو سقوط بغداد بل وسقوط العراق جميعه في بأر العنف والقتل الطائفي , بأر الفساد الاداري والرشاوي ,بأر الالم والمأساة .
لن اتكلم اكثر لكن تخيلوا فقط سقوط احدنا في بأر لا قاع له او اشبه بأن يكون لا قاع له كيف سيكون الشعور ؟؟؟؟ هذا هو ما يشعر به كل عراقي شريف ويتمنى لو ان الزمن يعود به الى سطح الارض التي وقع منها حيناً
على كل حال اتسعت اليوم في مضمار السياسه رغم اني لا احب ان تميل مدونتي الى السياسه
المهم لقد حز في داخلي موضوع امس :خمسه من اعز اصدقائي لم يذكروني في ميلادي .يله المسامح كريم
ما يسعني بالنهايه ولو متأخره كلش , احب اكول لكل خواتي واخواني المسيحيين كل عام وهمه بألف الف خير وان شاء الله ينعاد عليهم بالصحه والعافيه وراحة البال



اخوكمjisoo

نِزاريات

نقعت جواز سفري القديم بماء احزاني ...وشربته وقررت

ان اطوف العالم على دراجة الحريه

وبنفس الطريقه غير الشرعيه

التي تستعملها الريح عندما تسافر

* * *

عندما تضعين رأسك على كتفي

وانا اسوق سيارتي

تترك النجوم مداراتها

وتنزل بألالوف

لتتزحلق على النزافذ الزجاجيه

وينزل القمر

ليستوطن على كتفي

وعندئذ

يصبح التدخين معك متعه

والحوار متعه

والسكوت متعه

والضياع في الطرقات الشتائيه الي لا اسماء لها متعه

* * *

أرجوك ان تحترمي صمتي

ان اقوى اسلحتي هو الصمت

هل شعرت ببلاغتي عندما اسكت؟

هل شعرت بروعه الاشياء التي اقولها ؟

عندما لا اقول شيئا

* * *

عبثا حاولت ان اشرح لكِ

أن الدوار جزء من البحر

وان العشق فيه شيئا من الموت

وان الحب والبحر لا يقبلان انصاف الحلول

ولكني يئست من تحويلك الى سمكة مغامره

* * *

ان الحب انفعال رائع بغير ريب ولكن الاروع منه هي هذه الحرائق التي يتركها على دفاترنا وذلك الرماد الذي يبقى منه على اصابعنا

حجي ما وراه شي

مساء الورد احلى قراء
قبل ايام جنت رايح اني واحد افراد العائله الكريمه بشغل لآحدى محافضات شمالنا الحبيب المهم اني اقترحت نروح بسيارتنا رغم الخطوره.على كل حال رتبت السياره ومخليت بيها نواقص وطلعنا والحمد لله بالطريق لا وكفونا امريكان ولا علاسه ولا هاي السوالف كلها وصلنا سالمين بس هناك صار بينا فلم مو تبيئي ,السياره صار بيها عطل فني بس من هذا اليعجب المهم عطلت بيوم الي نريد نرجع وجان يوم جمعه ومحد مفتح والسبت صدفت عيد المولد النبوي وهم ماكو احد مفتح واضطرينا ننتضر للأحد وطبعا اكو سالفه جانت كلش مخوفتني بهالاثناء وهي انه عيني اليسرى ترف صارلها اسبوع وما ادري شنو السالفه وكلش ممرتاح بس والحمد لله كملت السياره ورجعنا وهسه اني بالعاصمه الغاليه واكتبلكم هذا البوست . طبعا تعجبني فقره وهي ان اسوق والدنيا ليل وطريق خارجي . اني اليوم عاجبني اسولف فلتضوجون من سوالفي

سوالف فستوقيه

مساء الخير
خل اكوللكم على فد شي اعتقد يمثل احدى صفات شخصيتي بالحياة وهي انه اني يعجبني اكون سبورت اكثر من ما ان اكون رسمي لأن حسب معتقداتي اشوف ان الناس الي تشوفهم على طول رسمي اكيد يخفون شي بداخلهم وميكونون طبيعيين ما اعرف ليش هذه النضره عندي المهم اني بطبعي وكلتها ببوست سابق انه اني اكتب باللهجه العراقيه العاميه حتى اكون قدر الامكان طبيعي وسبورت بس عندي بوستات ما اعرف اميل بيه للرسمي اقصد بعدني احس اكو حاجز بيني وبين البلوك مالتي رغم انه اني احبه كلش المهم ...واكو سبب اخر يخليني اميل للسبورت اكثر من الرسمي وهو انه اني بعدني شاب يعني كلشي بوكته واعتقد انه هذا الوكت هو وكت السبورت.وطبعا هذه المشكله تصير عندي مو بس بالبلوك لاوتصير عندي بالحياة العامه مرات . اوكي ما راح ادوخكم بهاي السوالف الفستوقيه يله ورود اشوفكم غير وكت


jisoo

غربه زمن

هلو اوووول شلونكم مشتاقين هاليوم هو الجمعه وباجر ما عندي دوام فكلت خل اكعد اشوف شكو ماكو بالبلوك المهم حبيت اسولف وياكم بموضوع . البارحه جنت كلش ضايج مو شلون ما جان فخابرت ولد صديقي اسمه أ. المهم طلعنا اني وياه العصر شويه بالمنطقه وره شويه صارت ساعه حوالي بالسبعه وضلمت الدنيا بس لا اني اريد ارجع للبيت ولا صديقي المهم اكو ساحه (فلكه ) قريبه مرتبيهه شويه المهم رحنا كعدنا وسولفنا هوايه سوالف وطبعا الوضع الامني كان المحور الاساسي وكاعدين نسمع اغاني مال هيثم يوسف مال قبل الحرب وتذكرنا ذيج الايام الحلوه الي جنا عايشيهه قبل الحرب من جان واحدنا يطلع بالسياره بالليل ويفتر بذيج الشوارع الحلوه والله متتخيلون شكد ضجت وحسيت بغربه للزمن, غربه لذيج الايام الحلوه ذيج الايام الي جانت معاجبتنا بس صح لو كال ابو المثل "ما تشوف خيره الا تجرب غيره"
مع التحيه

jisoo

ارضنا الطيبه

ذات مَرّة أثناءَ رِحلةٍ في البَرِيّة
وَجَدتُ كُرَةً زجاجيةً سِحرية
قادرةً على الاتصالات الروحية
عَبْرَ المساحاتِ البَرِّيّةِ والبحرية
لتَنْقُلَ أخبارَ البشرية
في أيّ مكانٍ على الكُرةِ الأرضِيه
لَمَسْتُها، فإذا بوجهٍ لهُ بَعْضُ الشَفَافِيّة
قُلتُ لها أخبريني عن العراق
وعنْ أهلي والرفاق
فقدْ طالَ الفُراق
قالتْ: ما سأقولُهُ قدْ لا يُطاق
قلتُ: قولي ما عندَكِ
قالتْ: صِراعٌ على الكراسي ودَمٌ مُراق
وخرابٌ في كُلِّ زُقاق
ودُخانٌ يملأُ الآفاق
وشعبٌ أصابَهُ انشقاق
قلت لها: كذَبْتِ، فليسَ هذا ما وُعِدْنا بهِ ولا ما جَرى مِنْ اتفاق
ضَحِكَتْ وقهقهَتْ ثمَّ قالَتْ: أفِقْ يا مُعاق
أعلمتُها بقسوةِ أخبارِها
فأجابتْ: أفضلُ مِنَ النِّفاق
عُدْتُ وسألْتُ عنِ الميناء
عنِ البصرةِ الفيحاء
ردَّت: يَمرَحُ فيها الغُرَباء
عابثينَ بِكُلِّ فَناء
قلتُ: فَماذا عَن النجفِ وكربلاء؟
قالتْ: سوقٌ لِتَصريفِ البضاعةِ السوداء
فقلتُ حائرا: والمَوصلِ الحدباء؟
قالتْ: المٌ ونحيبٌ وبُكاء
قلتُ: عسى خيراً في الفلوجةِ أو سامراء
قالتْ: ما أكثر الشهداء
قلتُ: فأينَ أهلنا النُجباء؟
قالتْ: إستقوى عليهِم العُمَلاء
أصابني الدوار، بهذهِ الأخبار
سرَحْتُ في الأفكار، بحثاً عن إستقرار
سألتُ عنْ كركوك
فجاءَني الجواب: كَشُعلةٍ منْ نار
قلوبٌ مستعرةٌ وعيونٌ يتطايرُ منْها الشرار
كلُّ من سارَ عليها إدّعى أنّ غيرَهُ غريبٌ عن الدار
قلتُ: لماذا
لا تُحَلُّ خلافاتُنا بحِكْمةٍ ووَقار؟
من هوَ صاحبُ القرار؟
قالتْ: إنهُ هوَ الواحدُ القهار
قلتُ: لمْ تَفْهمي سؤالي
قالتْ: بلى، لكنَّ جوابَهُ عَصِيٌّ حتى على الأسْحار
حسِبتُها تَهزأُ بِنا لِما جلَبَتْهُ لنا الأقدار
فأجبتُها بحَزْمٍ: لنْ يكونَ لكِ إنتصار
نحنُ منْ تَحدّى الأخطار
نحنُ أناسٌ صامِدونَ كالأحجار
صابرونَ كصَبْرِ الأشجار
نحنُ شعبٌ بنى حضارةً تشْهدُ عليها كَثرةُ الآثار
نحنُ منْ بَنى بغدادَ وأحاطها بالأسوار
نحنُ منْ رَفَعَ الملويّةَ مِئذنةً للأنصار
نحنُ منْ وثَّقَ بالكتابة غزارة منَ الأفكار
نحنُ منْ بِحِبْرِ الكُتُبِ لوَّنَ الأنْهار
نحنُ منْ برَعَ في الرياضياتِ، نحنُ منْ فسَّرَ كيفِيّةَ الإبصار
نحنُ منْ دَحَرَ عدُوّهُ في حطّين، نحنُ منْ إنتصرَ في ذي قار
فقاطَعَتْني وقالتْ: بلْ هُمْ أجدادُكم كانوا من الأخيار
سألتُ: ماذا تغيَّرَ بعدَ ذاكَ الانهيار؟
قالتْ: نَخَرَتْ قلوبَكُم الأنانيّةُ، واستَعْبَدَكُم الدينار
أخجلَني كلامُها كأنَّها تُوَجِّهُ لنا الإنذار
ثمَّ عُدْتُ بصوتٍ خافتٍ ووجهٍ يميلُ الى الاحمرار:
هلْ منْ سبيلٍ لمحوِ هذا العار
لإعادةِ الأمجاد لهذهِ الأمصار
هلْ منْ نهايةٍ لهذا الليلِ، هلْ منْ مجيءٍ للنهار؟
فالشمسُ غائبةٌ منذُ كُنا صغار
وما عُدنا قادرينَ على الإنتظار
أخبرينا عنْ سِرِّ أجدادِنا إنْ كُنتِ تعلمينَ الأسرار
قالتْ: سِرُّهُمْ يعرِفُهُ الصغارُ والكبار
تضحيةٌ وثقةٌ
واتكالٌ على النفس

بالمناسبه الموضوع منقول

jisooِ

في الانتضار

في الانتظار، يُصيبُني هوس برصد الاحتمالات الكثيرة:
ربما نسيت حقيبتها الصغيرة في القطار،
فضاع عنواني وضاع الهاتف المحمول،
فانقطعت شهيتها وقالت: لا نصيب له من المطر الخفيف
وربما انشغلت بأمر طارئٍ أو رحلةٍ نحو الجنوب كي تزور الشمس، واتصلت ولكن لم
تجدني في الصباح، فقد خرجت لاشتري غاردينيا لمسائنا وزجاجتين من النبيذ
وربما اختلفت مع الزوج القديم على شئون الذكريات، فأقسمت ألا ترى رجلاً
يُهددُها بصُنع الذكريات
وربما اصطدمت بتاكسي في الطريق إلي، فانطفأت كواكب في مجرتها.
وما زالت تُعالج بالمهدئ والنعاس
وربما نظرت الى المرآة قبل خروجها من نفسها، وتحسست أجاصتين كبيرتين تُموجان
حريرها، فتنهدت وترددت: هل يستحق أنوثتي أحد سواي
وربما عبرت، مصادفة، بِحُب سابق لم تشف منه، فرافقته إلى العشاء
وربما ماتت،
فان الموت يعشق فجأة، مثلي،
وإن الموت، مثلي، لا يحب الانتظار

للشاعر محمود درويش

jisoo